Bangunan kang megah
Ayem, endah lan asri
Nambahi bungah atiku
Nambahi semangat siswa siswine
Golek ilmu kanggo mbesukke
Saben dino aku ngrungokke piwulange guru
Ora tau mbadal yen dituturi
Merga aku ngerti yen guru iku digugu lan ditiru
Tambah dina tambah marem atiku
Sekolah menyang SMP
Sing tambah maju prestasine
2. Sekolahanku
Sekolahanku…
Panggonanku ngangsu ilmu
Kuwi sekolahanku…
Kagulawentah kalawan Bapak-ibu Guru
Sekolahanku…
Sinau, amaca buku minangka kitab ilmu
Ing papan iki
Sliraku diwulang amrih marang wong tuwa kudu bakti
Ing papan iki
Aku diajari kalawan kanca aja nganti srei
Pikantuk PR kanggo gladhen
Kanggo sangu urip satengahing bebrayan
Aku pracaya…
Sanadyan ta abot kudu tetep dilakoni
Kabeh mau kanggo preluning pribadhi
kareben mbesuk manjing wong aji
migunani tumpraping bangsa uga nagari
Sekolahku
Saka esuk ngancik awan
Ngangsu Kawruh golek ilmu
Pra Guru tabah gegulawantah
Mulang para siswa kanthi gemi
Sekolahku
Panggonan kaloro sawise omahku
Sekolahku
Dididik dening guru
Tujune dadi bocah mituhu.
3. Guruku
Aku saben dino nganggo seragam
Aku arep budhal sekolah
Tekan dalan dipoyoki kancaku
Guruku saben dino kesel
Amarga aku ora tau mlebu sekolah
Aku sering bolos lan colut
Guruku saben dino tekan sekolah
Kanggo menehi tugas lan ngajar
Supaya murid-murid dadi pinter.
4. Perjuangan Guru
5. Guruku Oborku
Kadya ron garing
Kumleyang kabur kanginan
Ing jagat peteng lelimengan.
Krasa luwih abot
Anggonku ngadhepi dina-dina ing ngarep
Mlakuku ora mantep.
Kagubet ribet lan ruwet
Adoh saka cahyamu
Pedhut ing sakindering pandulu
Panjenengan.
Guruku, sihku, oborku
Kancanana sukmaku sinau bab katresnan sajroning ati.
6. Cita-citaku
Esuk budhal sekolah
Sore nyekel buku
Awan daknggo turu
Mung arep nggayuh cita-citaku
Yen dak roso ora ono wektu dinggo senenge atiku
Aku sinau saben dina
Tansah manut dhawuhe wong tuwaku
Supaya aku dadi bocah pinter
Ing tembe bisa mujudake cita-citaku
Bisa mendhem jero lan mikul dhuwur marang wong tuwa
Bisa mulyakne wong tuwaku
Lan utamane bisa bekti marang wong tuwaku
Ya mung kanti cita-cita iki aku bisa semangat
Semangat sinau
Lan uga semangat nggayuh kabeh keinginanku
7. Buku
Karya: Beti Mustika Rini
Saiki wis kelakon kekarepanku
Amarga...
Buku akeh paedahe
Buku uga ndadekake oleh prestasi
Bodho dadi pinter
Lan kanggo golek ngelmu
Buku...
Saka jasa-jasamu
Aku dadi bocah kang guna
Kanggo bangsa lan negara
Uga dadi penerus bangsa
Buku...
Kabeh padha mbutuhake
Kanggo nambah pengetahuan
Kanggo ngisi wektu sela
Karana maca
Amarga buku sumbering ngelmu
8. Hyang Baskara
Banyu telaga akinclong-kinclong
Kataman cahyaning Hyang Baskara
Sliwering manuk kang golek ijon
Kumelap angrengga pesawangan
Nanging sawuse surup srengenge
Gambar ing telaga ilang musna
Peteng sepi samun ing wengi.
Padhang-petenge atining manungsa
Abang birune gumantung karsane Gusti.
9. Golek Ngelmu
Ngelmu iku ora gampang tinemune
Gampang kanggo para siswa
Kang tlaten lan sregep sinau
Sregep menyang sekolah
Mempeng nggarap tugas
Lang ngelingi piwelange wong tua
Guwang rasa wegah, rasarasen ing batin
Golek ngelmu iku kanthi nyanding buku wacan
Saka maca buku wacan kita tambah pinter
Mula ngelmu iku kudu digoleki terus
Mesti tekan negara Cina
Lan sak butule nyawa.
10. Panguwasa Lacut
Ilang siji mbaka siji kaendahan bangsaku
Rasa mikul dhuwur mendem jero kaya dianggep ora cocok maneh
Yen rumangsa bener lan pener coba madheg dadi panguwasa
Seneng banget ngobral surasa kang kebak apatis
Iki negarane sapa?
Iki bangsane apa?
Yagene obral omongan ala
Yagene kaya wes paling akeh bektine marang negarane
Yagene mung bisa ngumbar surasa basa nanging ora bisa paring solusi.