Dalam budaya Jawa, terdapat satu karya yang disebut sebagai geguritan. Kata geguritan sendiri, berasal dari bahasa Jawa, gurit, yang berarti sajak atau puisi. Jadi, bisa dikatakan bahwa geguritan merupakan karya sastra berbentuk puisi.
Sama seperti puisi pada umumnya, geguritan sering digunakan untuk menyampaikan isi hati, memberi pelajaran, dan pengingat bagi yang membaca.
Saat ini, tema dalam geguritan cukup bervariasi, antara lain tentang alam, pendidikan, sekolah, budi pekerti, dan masih banyak lagi.
Bila tertarik dengan karya sastra ini, berikut di bawah ini kumpulan contoh geguritan bahasa Jawa yang bisa dibaca atau dijadikan referensi
Geguritan Bahasa Jawa Berbagai Tema
Berikut di bawah ini 10 contoh geguritan bahasa Jawa berbagai tema sebagai bacaan atau referensi bila ingin membuat karya sastra serupa.
Geguritan Bahasa Jawa (Pexels)
Kadang Bakul Pasar Bantul
Karya: Dalle Dalminto
Bagaskara ing brang wetan durung methungul
Ngatonake praupan lan sunare njedhul
Bun esuk isih pating grandul
Ing pucuking godhong lan grumbul
Para kadang bakul cancut sengkut
Mecaki dalan miyak kandele pedhut
Gumregah ngangkah jangkah
Gumbregut nekuk dengkul lan sikut
Hawa adem nyocoki kulit ari
Kadya lincip dan landhepe eri
Ora bakal gawe gigrige ati
Semangat kadhung anjenggirat
Tinalenan niat
Beburu berkat sing sumebar ing jagad
Ing Pasar Bantul
Para kadang bakul ngebaki wakul
Jumangkah nyadhong berkah
Kanthi ati pasrah sumarah
(Bantul, 2020)
Ibu
Ibu
Anakmu kang dak wanti wanti
Kang dak kawatirake
Kak kok titipake ana pawiyatan luhur iki
Iki anakmu
Kang durung isa nyenengke ibu
Kang durung bisa nyenengke keluarga
Kang isih dadi tanggunganmu ibu
Nanging ibu
Anakmu iki bakal banggakke ibu
Banggakke keluarga kabeh
Anakmu rak bakal nyerah bu
Kanggo nyekel lintang ana langit
Kang kadhang ditutup mendhung
Kang kadhang mripat wae wis ora bisa weruh
Nanging anakmu iki janji ibu
Layang Saka Ibu
Karya: Aming Aminoedhin
Kutha Surabaya ndadekake kowe lali
Marang kuthamu dhewe ngawi
Sing saben malem setu legi
Nanggap wayang ana pendhapa bupati
Kowe mono bocah sing seneng
Penekan ana wit-witan wetan omah
Ngundhuh dhondhong utawa pelem
Karo nembang 'gajah-gajah'
Kadhangkala mbokya muliha
Cerita babagan rejeki sing tumpah-ruah
Kanggo budhal menyang Mekkah
Kutha Surabaya ndadekake kowe lali
Kayadene laline wong kang nepi
Sabanjure, dina kuwi uga aku mulih
Menyang kutha ngawi, mumpung
Isih ana wektu, mumpung isih bisa mlayu
Ibu aku mulih, mesthi ora gawa impenmu
Carita Wayang
Karya:Eko Wahyu Nugroho
Sapa kandha wayang kuwi kuna?
Yen durung ngerti lakuning crita
Wiwit jejer tekaning paripurna
Dudu amung rikala gara-gara
Rentep-rentep piwulang kagambarna
Tindak-tanduk uga tata krama
Kang bisa tansah ngrembaka
Saka isining carita kang kababar
Kababar pitutur suci tumrap dhiri
Dhiri kang tansah nguri-uri
Nguri-uri kabudayan Jawa suci
Miguna mring nagari
(Ngayogyakarta, Februari 2020)
Tresnoku Kepalang Pangestu
Karya: Azizah Nana
Marang Gusti Kang Kuoso, Panyuwunku amung siji
Soko mletheke srengenge tekan metune rembulan
Ati iki ora bakal ayem sedurung weruh slirane
Duhh Gusti Kang Moho Agung
Tresnaku tan tekan marang awake
Liwat angin tak titipke roso kangenku
Senajan tan biso tekan nanging aku ora biso lumaku
Pangestune wong tuo ne ora biso tak tuku
Mesem bebarengan awake mung dadi ngimpiku
Tanganku tan biso gandeng tangane
Amung rogo iki kesekso tekane pati
Mergo awake cah ayu sing tak tunggu
Tresnoku kepalang pengestune wong tuo ne
Pati ku mugo dadi dalan biso nyanding slirane
Padhang Bulan
Karya: Aming Aminoedhin
Ana desaku canggu wengi iku
Padhang mbulan madhangi pelataran
Bocah-bocah padha dolanan ana latar
Jamuran, dhelikan, lan gobakodoran
Bocah-bocah iku wis lali marang sinaune
Lali marang film kartun ing televisine
Sing saben dinane didelok karo ibune
Uga nganti lali mangan lan ngombe
Padhang mbulan ana desaku
Katon endah lan asri, krana ana lintang-lintang
Gumebyar abyar madhangi bocah
Dolanan gobaksodor nganti wengi
Geguritan Bahasa Jawa (Pexels)
Layangan
Karya: Aming Amiodhin
Kayadene layangan ana ing tawang
Awakku kagoyang-goyang
Sing ditali benang nanging ati kebimbang
Layangan iku pedhot
Tiba ngleyang embuh nyang endi parane
Aku ora ngerti atiku kaya pepes susahe
Kayadene layangan kang pedhot
Atiku semedhot, ninggali benange kang ruwet
Diudhari angel lan njlimet
Ati lan pikirku ruwet
Merapi
Merapi…
Saka kadohan katon gagah
Asep putih ndedel ing awiyat
Tilas dalan lahar katon cetha
Kena sunare Hyang Bagaskara
Merapi…
Saumpama kowe bisa crita
Kabeh kadadean ing tanah Jawa
Wiwit jaman Mataram Kuna
Nganti madege Kraton Ngayogyakarta
Merapi…
Sliramu anyekseni kridhaning bangsa
Wiwit nalika ngusir penjajah Walanda
Jaman mardika jaman Soekarno
Nganti jaman Soeharto
Jaman Habibie tumekaning Megawati lan Susilo
Merapi dadi saksi
Kanggo Kanca
Karya: Kamami Retno Niti A
Biyen, tanganmu genggem tanganku
Biyen, pundakmu enek kanggo aku nangis
Biyen, guyumu nentremke atiku
Nanging saiki….
Tangan, pundak, guyumu ilang saka uripku
Kanca-kancaku kabeh,bayangna
Apa sajatining kahanan sajroning dunya
Yen ora ana welas lan asih
Ora ana uga kekancanan tanpa pamrih
Ing sakjroning manah atiku
Aku ngrasakna kepengin ngamuk wektu iku
Kanca lan kancaku
Elinga rasa atiku iki
Jaganen rasaning welas asih iki
Uripe Manungsa
Iki ana cerita
Kados uripe manungsa
Ingkang rekosa
Amarga kakean dosa
Ora gelem nindake dawuhe agama
Geleme mung nyusahke wong tuwa
Ora isoh nyukuri sing diparingi pencipta
Isohe malingi duite tetangga
Itulah 10 contoh geguritan bahasa Jawa dengan berbagai tema yang bisa dibaca atau sebagai referensi bila tertarik membuat karya sastra berbentuk puisi ini.
