10 Contoh Geguritan Bahasa Jawa dengan Berbagai Tema
6. ORA NGERTI
Oleh: Inda Jananti
Embuh aku ora ngerti
apa iku Bengkel Sastra Jawa
apa iku geguritan
ndadekake lakuku kandeg
ing tengah dalan
tan ana obor ing tangan
kang madhangi pikir
sikilku krasa abot
jumangkah menyang bengkel
ndadekake aku ora ngerti
ngrakit tembung-tembung
kang endah Ian edi peni
kang bisa nglipur ati buneg.
Pikirku peteng ndhedhet
kebak ampak-ampak
kang ngendheg lakuku
Muga Bengkel Sastra Jawa
bisoa menehi pepadhang
marang konco-konco
kang kanthi tekun
nggegulang kabudayan Jawa
kang adi luhung.
7. POTONE MBAHKU
Oleh: Jodhi Arizal Nugroho
Kowe sing ngelingake sejarahe kulawargaku
Kowe prasastiku
Prasasti kulawargaku
Dhek jaman semana
Poto ...
Kowe sing dadi seksi
Piye ayune simbahku
Piye baguse bapakku
Dhek jaman biyen
Poto ...
Tanpa kowe aku rangerti piye rupane Pangeran Diponegara
Piye rupane Ir. Soekamo
Lan piye rupane mbahku.
8. ADHIKU
Oleh: Kabul Budhi Dwi Cahyo
Yen ngelingi cilikanmu
yen ngelingi tindak-tandukmu
aku dadi ngguyu
Sanajan kowe mbiyen jambaki rambutku
senengane njiwiti aku
senengane nyuweki bukuku
senengane ngganggu anggonku sinau
Nanging
kowe tetep adhiku
adhi kandhungku
Adhiku
saiki kita padha wus gedhe
padha-padha sekolah SMP
mugo kowe adhiku
pinter sekolahe
9. ASMARA
Oleh: Kabul Budhi Dwi Cahyo
Sadina rasane saminggu
apa iki sing jenenge asmara?
Embuh cilik, embuh gedhe
embuh enom, embuh tuwa
padha kataman asmara
Asmara,
bisa gawe penggalih iki harsaya
Hanging,
bisa gawe ati iki lara
lara yen ditinggal lunga
Asmara
uga bisa gawe ati iki cilaka
cilaka yen tumlndak laku nistha
Apa bener wong ketaman asmara
gampang kena panggoda?
mula aja lali marang Sing Kuwasa
10. WONG ENOM
Oleh: Kunthi Khusnun Insani
Angin ngobahake godhong-godhong
Krasa adem Ian sumilir
Ing tengah sawah
Ana omah cilik saka pring
Gendheng godhong tebu
Jubine saka gedheg
Ing kono ana bocah
Bocah loro kang tunggal getih
Bocah sumringah akeh guyune
Dikancani swara prenjak
Kang gawe ayeming ati
Crita padha crita
Crita marang asmara
Asmara marang kanca
Ananging era lali ngibadah
Marang gusti Allah
Ingkang maha kuwasa