10 Contoh Puisi Bahasa Jawa tentang Sekolah sebagai Referensi
Tansah sehat kang diupadi
Lingkungan sekolah kang tetep asri
Contoh Puisi 6: Taman ing Sekolahku
Sliramu katon endah lan resik
Ngganda arum wangi
Sumebar wiwit awang tekan wengi
Maneka tetanduran tinata kanthi edi lan peni
Manuk, kupu, tawon, lan kumbang
Padha nggumun nyawang kaendahanmu
Madune kembang ing taman sekolahku
Kaya ngawe-awe
Ngajak kabeh titah nyekseni kaendahane
Taman ing sekolahku
Endahmu gawe tentrem lan bungahe ati
Aku dadi betah sekolah
Merga kembangmu kang endah
Hawa segermu kasil nyirnakake
Panase dina gumanti hawa adhem
Gawe ati rinasa tentrem
Taman sekolahku
Tetepa lestari lan nyebar ganda wangi
Murih seneng ati iki
Daksuwun aja ana sing wani
Ngrusak tamanku
Supaya ora ana getun
Ing tembe mburi
Contoh Puisi 7: Lingkungan Sekolah Adiwiyata
Sekolahku ya iku sekolah adiwiyata
Yen saben esuk kabeh ngeresiki lingkungan
Lan kembang-kembang podo disirami
Poro siswi podho guwak sampah
Ing panggonan kang sampun di sediakake
Ilingo yen sekolah iki sekolah adiwiyata
Wit-witan kang ijo royo-royo
Ngenei katentreman anggone sinau nuntut elmu
Patuh karo peratura yo penting
Ingkang ngajarake karesian lan kadisiplinan
Najan sekolahku eng deso nanging ora kalah karo sekolah kuta
Iku kang dadi cirine sekolahku
Ana akeh wit-witan lan kembang kang ijo lan endah
Contoh Puisi 8: Bangku Sekolahan
Sepiku wis sumare mitraku
Nalika kangenku marang sliramu
Kabuntel dening pedhut klawu
Mendhung-mendhung jingga ing gemubyare candhik alaKumlawe ing pinggire rasa
Aku nyoba sanja
Menawa isih ana esemmu senajan kabuntel lebu
Kembang-kembang mlathi
Nggandha wangi nyasmitakake rasa suci
Saka jatining dhiri
Duh, mitraku
Apa sliramu isih kelingan
Kepriye critane bangku sekolahmu?
Contoh Puisi 9: Sekolahku
Bangunan kang megah
Ayem, endah lan asri
Nambahi bungah atiku
Nambahi semangat siswa siswine
Golek ilmu kanggo mbesukke
Saben dino aku ngrungokke piwulange guru
Ora tau mbadal yen dituturi
Merga aku ngerti yen guru iku digugu lan ditiru
Tambah dina tambah marem atiku
Sekolah menyang SMP
Sing tambah maju prestasine
Contoh Puisi 10: Gurit Wis Wancine
Wis wancine sekolahe rampung
Amarga kabeh padha linglung
Sinambi namakake aji mumpung
Lulang macan padha didadekake kudhung
Wis wancine medal saka sekolahan
Lan melu ngedan
Supaya tetep keduman
Tinimbang kelara-lara saurute dalan
Wis wancine nyumet senthir
Sinambi ngenteni wengine lingsir
Nata weninge pikir
Amrih ora melu kenthir
Wis wancine pasrah
Nglerenake raga kang lungrah
Tinimbang melu polah
Kaya dene wong-wong sing ora tau sekolah